Regionale Jugendservice
An eisen zwee Jugendhaiser, zu Dikrich an zu Ettelbréck, kenne Jonker tëscht 12 a 26 Joer sech daagsiwwer ophalen a vun eise sëllegen Offere profitéieren. Dëst ass virun allem fir déi Jonk interessant, déi an der Géigend wunnen oder an d’Schoul ginn.
Fir awer och d’Jugendaarbecht fir déi Jonker ze garantéieren, déi d’Méiglechkeet net sou oft hunn, fir an eis Haiser ze kommen, hu mir eis säit 2006 op regionalem Plang ausgebreet. Zu eise Partnergemengen zielen aktuell Dikrich, Ettelbréck, Bettenduerf, Colmer-Bierg, Ierpeldeng, Schieren, Feelen, Mäerzeg, Beefort, Buerschent, Ärenzdall a Noumer.
An dëse Gemengen bitt de „regionale Jugendservice“ d’ganzt Joer iwwer verschidde Projet’en, Aktivitéiten a Workshops zu den ënnerschiddlechsten Themen un (Kultur, Sport, Präventioun, Informatioun,…).
Dozou zielen ënner anerem eise Jugendtreff „A Place for You(th)“ zu Bettenduerf, eis Kachatelier’en zu Schieren a Colmer-Bierg, en 1. Hëllefscours zu Angelduerf an eise Projet „Park“ zu Miedernach. All Joer bidde mir Formatiounen zum Babysitter an zum Animateur Brevet A un.
Am Kader vun eisem Projet „Noju@school“ besiche mir zwee mol d’Joer d’Klasse vum Cycle 4.2. an all de Nordstadjugendgemengen, wou mir unhand vu verschiddenen Workshops a Spiller d’Nordstadjugend an hier Servicer präsentéieren.
Wéini, wou a wat stattfënnt, gesitt dir méi konkret an eisem Agenda.
An eisen zwee Jugendhaiser, zu Dikrich an zu Ettelbréck, kenne Jonker tëscht 12 a 26 Joer sech daagsiwwer ophalen a vun eise sëllegen Offere profitéieren. Dëst ass virun allem fir déi Jonk interessant, déi an der Géigend wunnen oder an d’Schoul ginn.
Fir awer och d’Jugendaarbecht fir déi Jonker ze garantéieren, déi d’Méiglechkeet net sou oft hunn, fir an eis Haiser ze kommen, hu mir eis säit 2006 op regionalem Plang ausgebreet. Zu eise Partnergemengen zielen aktuell Dikrich, Ettelbréck, Bettenduerf, Colmer-Bierg, Ierpeldeng, Schieren, Feelen, Mäerzeg, Beefort, Buerschent, Ärenzdall a Noumer.
An dëse Gemengen bitt de „regionale Jugendservice“ d’ganzt Joer iwwer verschidde Projet’en, Aktivitéiten a Workshops zu den ënnerschiddlechsten Themen un (Kultur, Sport, Präventioun, Informatioun,…).
Dozou zielen ënner anerem eise Jugendtreff „A Place for You(th)“ zu Bettenduerf, eis Kachatelier’en zu Schieren a Colmer-Bierg, en 1. Hëllefscours zu Angelduerf an eise Projet „Park“ zu Miedernach. All Joer bidde mir Formatiounen zum Babysitter an zum Animateur Brevet A un.
Am Kader vun eisem Projet „Noju@school“ besiche mir zwee mol d’Joer d’Klasse vum Cycle 4.2. an all de Nordstadjugendgemengen, wou mir unhand vu verschiddenen Workshops a Spiller d’Nordstadjugend an hier Servicer präsentéieren.
Wéini, wou a wat stattfënnt, gesitt dir méi konkret an eisem Agenda.
